Bangud sang pag saka man sang kaso sang Covid-19 sa Region 7, isa karon ang Negros Oriental sa mga lugar nga gin paidalom sa alert level 3 tubtub sa katapusan sang Enero.
Matapos mag panaog na lang sa 49 ang total active cases sang Covid-19 sa Negros Oriental sang nag ligad nga semana, subong amat amat na naman ini nga naga saka.
147 ang bag-o nga kaso sa Negros Oriental kag karon nag saka na sa 196 ang active cases.
Pero suno kay Dr Liland Estacion sang provincial IATF, wala pa sang confirmed case sang Omciron variant sa probinsya apang iya na gin paandaman ang publiko nga mag pangaman kag mag sunod sa protocols bangud sa naga damo nga cases.
Natalana man suno kay Estacion nga mag sapol ang gobernador sang Negros Oriental kag Occidental para sa border controls kag kun mahimo mapabilin lang ang exsting border restrictions bangud sa pareho man nga yara sa alert level 3 ang duha ka probinsya.