Probinsya sang Negros Oriental ang malakip sa watchlist sang COMELEC.
Ini suno kay COMELEC – Negros Island Region Director, Lionel Marco Castillano nga nag bisita Lunes sang aga sa COMELEC-Negros Occidental.
Paathag ni Castillano yara ang Negros Oriental sa watchlist sang tinalikdan nga Barangay kag SK Elections, gani base sa guidelines maga pabilini ini sa watchlist.
Tigayon na nga naka file sang iya nga COC sa pag ka gobernador si Pryde Henry Teves.
Suno kay Castillano gina paabot ang intense political rivalry sa bilog nga Negros Oriental. Magluwas kay Teves nag file man sang iya COC sa pag gobernador si Stephen Tuballa nga isa ka retired Navy Officer.
Si Teves ang gin proklama nga winner sang 2022 nga gubernatorial race pero ini ang nabaliskad sang ulihi sa desisyon sang COMELEC.
Tigayon nga nag assume si Governor Roel Degamo. Ginpatay si Degamo sang March 4, 2023 kag ang ginkakas naman nga congressman nga si Congressman Arnolfo Teves, Jr., nga utod ni Pryde Henry ang gin tudlo nga mastermind.
Samtang, gina haylo naman ni Castillano ang tatlo ka gobernador sa probinsya nga mag duso sang isa ka NIR Regional Joint Security Control Center para sa 2025 nga piniliay.
Nagalaum man siya nga may iga appoint nga NIR Police Regional Director agudto ma activate ang RJSCC.