Posible ang pag deklarar sang state of emergency sang probinsya, depende sa kahalitan nga natuga sang peste nga RSSI sa katubuhan sa Negros Occidental.
Ini suno kay Negros Occidental Governor Eugenio Jose Lacson nga nagsiling nga kinahanglan ang datus sa mga apektado nga lugar antes pa man maka patuman sang amo nga deklarasyon kun kinahanglanon gid.
Nagtakop ang milling season nga manubo ang presyo sang baklanay sang kalamay, karon may pag pang atake sang red striped soft scale insect nga na monitor.
Masobra sa 2,000 hectares sang sugarcane plantation sa June 5 nga report sang Sugar Regulatory Administration sa Negros Occidental ang gin-igo sang RSSI.
Suno kay Lacson may mga sugar federation nga gusto magsapol sa iya para talakayon ang sitwasyon kag mabuligan ini.
Sang 2025, nag deklarar sang state of calamity ang Negros Occidental bangud sang pag atake sang RSSI.*
[sibwp_form id=1]