13.8 million pesos gikan sa Provincial Disaster Risk Reduction Management Fund ang ginpain para sa shelter assistance sa mga nagub-an sang balay sang mag-igo si bagyo Odette.
Suno kay provincial administrator Rayfrando Diaz ang pondo ang gin re-align gikan sa PDRRMF trust fund nga damlag pa wala nagamit.
Tinutuyo sang tikang nga para may gilayon nga ma release nga pondo para sa mga apektado sang bagyo.
Paathag ni Diaz ang 41 milyones pesos nga pondo gikan sa Bureau of the Treasury ang indi pa gilayon nga magamit pending sang guidelines kasubong sang kun sin-o ang recipient sini, ang kantidad nga batunon kag ano ang kinahanglanon nga mga supporting documents.
Ang 90 milyones pesos naman nga pondo gikan sa National Housing Authority ang may dugang nga mga requirements kasubong sang masterlisting sang mga apektado, kag may certification pa gikan sa mga barangay nga natungdan, rason nga madugayan pa ang proseso.
Sa 13.8 million pesos nga pondo kun sa diin ang may mga totally destroyed nga puluy-an ang prayoridad, sarang ma release ang financial assistance kag iban pa gid nga aid.
Kun mag tag cinco mil pesos mga sobra man sa 2,000 ang makabaton suno kay Diaz.
Samtang, sa idalom sang Annual Investment Plan, 500 million pesos ang gin approve sang PDRRMC kahapon bilang assistance sa mga biktima sang bagyo kag iban pa gid nga kalamidad.