Shadow

Mga duktor kag health workers ginpaidalom sa training para sa pagbakuna

Mga doktor sang City Health Office kag barangay health centers focal person nagpaidalum sa lecture tuhoy sa COVID-19 vaccine.

Ang lecture ang ginpamunuan sang Bacolod Emergency Operations Center kag COVID Vaccination Council sa tinutuyo nga mapalab-ot sa ila ang mga impormasyon tuhoy sa bakuna nga dapat mapahibalo sa pumuluyo.

Sila ang nagtipon sa lobby sang Bacolod City Government Center para sa lecture sini nga hapon kag ginpahangup sang efficacy sang bakuna pati na ang storage, pagdapat sini sa mga magapabakuna kag mga posible nga side effects.

Pagkatapos sang lecture, ginapaabot nga magabulig ang mga doktor kag barangay health center focal person sa pagpahangup sa pumuluyo sa ila tagsa ka mga barangay para mahaylo sila nga magpabakuna.

Naghimo man sang mga flyers kag posters ang eoc para itapik sa mga barangay para mas maathagan ang pumuluyo tuhoy sa bakuna kag makadesisyon sang husto kun luyag nila nga magpabakuna.

Leave a Reply

Your email address will not be published. Required fields are marked *

Secured By miniOrangeSecured By miniOrange