May 141 ka mga dengue cases ang na record sa Negros Occidental humalin Enero 4 tubtob Pebrero 7 sini nga tuig. 34 naman ang na-record nga dengue cases sa Bacolod.
Kun ipaangid sa kasubong nga tion sang 2025, 80.28 percent ang gin nubo sa kadamuon sang kaso sang dengue sa Negros Occidental kag 26.1 percent naman ang gin nubo sa Bacolod.
Sa record sang Provincial Health Office, ang San Carlos City kag ang Bago City ang may pinaka madamo nga na record nga dengue cases – tig 18.
Wala sang gin-report nga dengue death sa Negros Occidental.
Sa Bacolod City ang Barangay Singcang-Airport ang may pinaka damo nga dengue cases nga gin-report – 6 cases.
Nagasunod ang Alijis, Cabug kag Handuman nga may tig apat ka kaso.
Nagapahanumdom si Dr. Grace Tan, Head sang Environmental Sanitation Division sang CHO, nga dapat mangin aktibo ang tanan sa pagpangita sang mga “breeding places” sang lamok agud malikawan ang paglapta sang amo nga sakit ilabi na subong nga naga kambyo-kambyo ang tiempo.*
[sibwp_form id=1]