Shadow

Negros Occidental magabutang sang QR codes sa mga vaccination cards

Negros Occidental ang magasugod na pa gwa sang QR codes para sa mga fully vaccinated individuals sa probinsya.

Samtang, wala pa sang desisyon ang probinsya bahin sa IATF resolution nga nagatugot sa mga kabataan nga maka gwa na sa mga lugar nga yara sa MGCQ kag GCQ.

Ginsiling ni Negros Occidental Governor Eugenio Jose Lacson nga magasapol pa ang Provincial Incident Management Team kun bala tugutan ang mga kabataan lima ka tuig pasaka nga maka gwa na.

Sa ginpa gwa nga resolution sang IATF, pwede na ang kabataan sa outdoor areas basta sila ang may upod nga mga adults. Dugang pa ni Lacson, kun tugutan gid man ang kabataan, ila man desisyonan kun sa mga ano lamang nga lugar sa Negros Occidental.

Ginsiling naman ni Provincial Administrator Rayfrando Diaz unahon ang barangay kapitolyo sa mga iga issue sang probinsya nga QR codes.

Ini sa pagpasiguro sang authenticity sang Covid-19 vaccination cards sang mga fully vaccinated individuals. Suno kay Diaz, una nga paga isyuhan sang QR code si Governor Lacson, kag ang mga opisyales nga fully vaccinated na. Hinyuon man ang mga LGU sang ila nga listahan sa fully vaccinated individuals agudto nga ma upload man ini.

Leave a Reply

Your email address will not be published. Required fields are marked *

Secured By miniOrangeSecured By miniOrange