Shadow

DOH: Region 7 yara na sa 3rd wave sang Covid-19 infection

Negros Oriental kag bug-os nga Central Visayas, yara na sa third wave sang Covid-19 infection gin pahayag sang Sabado sang Department of Health Region 7 nga yara na karon sa third wave sang Covid-19 ang Central Visayas base sa monitoring sang DOH sa nag ligad nga apat ka semana.

Suno sa DOH, makita ang upward trend sa Central Visayas kag pinakamadamo nga active cases ang na record sa Negros Oriental.

Sa datos sang DOH, yara karon sa 3,639 ang total active cases sa Negros Oriental.

Pero sa datos sang Negros Oriental PIO, yara na lang karon sa 1,501 ang active cases sang Negros Oriental matapos mag record sang 195 ka bag-o nga kaso kag 260 ka new recoveries.

Ang una nga wave sang Covid19 cases sa Region 7 ang na record sang Mayo sang nag ligad nga tuig, ang second wave naman ang sang una nga binulan sang 2021 kag karon subong ang third wave suno sa DOH.

Samtang, ang Negros Occidental kag Bacolod ang may double digit cases lang nga dugang nga kaso kahapon.

53 ang nadugang sa Negros Occidental nga karon may 1,862 active cases kag 49 naman sa Bacolod nga karon may 1,449 active cases.

Secured By miniOrangeSecured By miniOrange