Shadow

Negros Occidental magabakal sang elisa machine para mabulig padasig ang shipment sang mga inugbulang nga manok

Probinsya sang Negros Occidental ang maga bakal sang elisa machine sa tinutuyo nga mabuligan ang stakeholders sa gamefowl industry sa mga requirements sini sa pagpadala sang manok sagwa sa probinsya.

Kasunod sang kaso sang bird flu sa pungsod, suno kay Provincial Veterinarian Dr Renante Decena, isa sa mga requirements nga gina pangayo sa mga inugbulang nga manok nga gina ship-out sa probinsya amo ang negative elisa test ukon RT-PCR test.

Sa pagsulundan sang Department of Agriculture, 10 percent sang shipment ang dapat napaidalom sa ayhan elisa ukon RT-PCR test.

Ang sitwasyon karon amo nga wala sang kapasidad ang probinsya sa pag patuman sang kasubong nga mga test, rason nga gina padala pa sa Manila gani nagaka dugayan ang compliance para sa shipment.

Suno kay Provincial Administrator Rayfrando Diaz, bilang bulig sa gamefowl industry nga isa ka 3 billion industry, na aprobahan na sang probinsya ang pagbakal sang elisa machine naga bili sang 900,000 pesos lakip na ang iban pa nga consumables kasubong sang mga test kits.

“We try also to appeal, kay wala man ta outbreak di, why will we be considered subject to that requirement”, suno kay Diaz.

Naga proseso man sang karon ang probinsya para sa accreditation sang diagnostic laboratory sini para makapatuman sang amo nga test suno kay Decena.

Secured By miniOrangeSecured By miniOrange