May isa pa gid ka Facebook page nga na monitor ang probinsya nga naga gamit man sang ngalan sang Negros Occidental. Wala labot sini may nakit-an pa gid nga Bong Lacson, Negros Occidental Governor page.
Damlag pa may duha na ka Facebook page nga naga gamit sang ngalan sang probinsya ang gin report sang gobyerno probinsyal sa Facebook.
Suno kay Provincial Administrator Rayfrando Diaz nag pa gwa na ang probinsya sang public notice bahin sa natungdan nga mga page agudto malikawan ang pagpatalang sa publiko.
Ginlakip naman sang probinsya sa reklamo ang bag-o nga ila na monitor lakip na ang page nga naga gamit sang ngalan ni Governor Bong Lacson. Sa karon naga hulat ang probinsya sang feedback gikan sa Facebook.
Pero suno kay Diaz ginatutukan naman ini sang ila nga it team kag sang PIO sang probinsya. Indi man mapat-od ang motibo sa pagtuhaw sang amo nga account ukon ini ang may kaangtanan sa eleksyon suno kay Diaz.
Nagapabilin nga active ang isa sa gina reklamo nga account kun sa diin naka saad nga ang page isa ka media/news company kag may 7,500 ka followers.