Shadow

Negros Occidental amat amat na nga maga bukas para sa turismo

Sumugod sa Lunes, Marso kinse ang mga magapadulong sa Negros Occidental ang kinahanglan na nga magpakita sang negative RT PCR test result.

Wala labot diri, kinahanglan man ang S-pass approval kag ang stay safe registration.

Suno kay Atty Rayfrando Diaz, provincial administrator, ini ang mangin kaundan sang executive order nga ipa gwa ni Negros Occidental Governor Eugenio Jose Lacson angut sa pagpatuman sang Resolution 101 sang National Inter Agency Task Force for the Management of Emerging Infectious Disease.

Ang tatlo ka rekisitos ang kinahanglanon nga ma-comply sang mga maga padulong sa Negros Occidental gikan sa mga lugar sagwa sang Western Visayas.

Antes pa man magbakal sa ticket ukon mag biyahe dapat tigayon na comply ang tatlo.

Nagakasayuran man bukas na ang airport sa pribado kag pampubliko nga mga salakyan bangud wala naman sang quarantine nga ipatuman.

Pero maga pabiilin ang team sang probinsya nga maga patigayon sang swabbing sa luyag sa gihapon mag pa swab sa ila nga pag abot sa airport ukon sa pwerto. Ini ang boluntaryo na.

Dugang pa ni dias, naga kasayuran nga bukas na ang Negros sa turismo basta na comply ang tatlo ka rekisitos.

Ang pagdugang sa flights ginalantaw pa depende sa mangin sitwasyon sa katapusan sang bulan.

Leave a Reply

Your email address will not be published. Required fields are marked *

Secured By miniOrangeSecured By miniOrange