Shadow

AstraZeneca vaccine nag abot sa Bacolod, dugang nga mga health workers mapabakuna sa Sinovac

May dugang nga masobra sa mil kinyentos ka mga health care workers sa mga ospital sa Bacolod ang luyag magpabakuna sa Sinovac nga vaccine.

Ini ang ginpahayag ni Bacolod Emergency Operations Center Executive Director Em Ang. Matapos nga makita nga wala man sang may ginbatyag nga side effects ang ila nga mga kaupadanan sa ospital nga nabakunahan na, may mga nag desisyon nga magpabakuna naman.

Subong nga adlaw may nag abot sa Bacolod ang may kapin sa mil kinyentos ka doses sang AstraZeneca vaccines para sa Bacolod.

May inisyal na nga kinyentos ka mga healthcare workers ang bakunahan sang sini nga bakuna kag lunsay mga senior citizens.

Nagapati si Dr. Chris Sorongon, deputy for medical data and analysis sang Bacolod EOC nga mas madamo na gid ang luyag magpabakuna bangud sa pag abot sang sini nga brand sang bakuna nga gikan naman sa United Kingdom.

Dugang pa niya sa katapusan sang sini nga bulan may maga abot pa gid nga isa ka milyon ka doses sang Sinovac nga bakuna sa pilipinas gikan sa china kag ang Rehiyon Sais ang mangin benepisyaryo pa gid sang sini nga batch sang bakuna.

Nagakahulugan nga mas damo pa gid ang sarang mabakunahan.

Ginsiling man ni Sorongon nga sa halos dos mil na tanan ka mga nabakunahan sang sinovac sa bacolod wala sang may nagbatyag sang side effects, kun may yara gid man minor lang.

Para naman sa kay Ang, tuyo nila nga maubos bakunahan ang shin porshento sang mga healthcare workers sa Bacolod sa labing madali nga panahon.

Leave a Reply

Your email address will not be published. Required fields are marked *

Secured By miniOrangeSecured By miniOrange