Negros Oriental IATF nagapati nga may yara na sang community transmission sang Delta variant sa probinsya.
Padayon ang pagsaka karon sang Covid-19 cases sa Negros Oriental. Balik naman sa triple digit ang dugang nga kaso sa probinsya. Kahapon nag record ang probinsya sang 114 ka bag-o nga kaso sang Covid-19.
Nagsaka naman sa 465 ang active cases sa probinsya. Gani nagapati ang ground commander sang NIATF nga si Dr Liland Estacion nga posible iban sa mga bag-o nga kaso ang tuga na sang delta variant bangud nga may apat na ka confirmed cases ang Negros Oriental.
Suno abi sa iya, may mga kaso nga bug-os nga pamilya ang naga positibo gani isa ini sa ila gina tan aw nga posible delta variant kay man mas contagious ang ini nga variant.
Panugyan lang ni Estacion sa publiko amo ang pagsunod gid sa minimum health standards kag pag pabakuna agud indi na maglapta ang pa Delta variant.
Samtang, nagsaka naman liwat sa malapit na isa ka libo ang active cases sa Negros Occidental kag Bacolod nga lunsay may mga kaso naman sang Delta variant.
Nagsaka na sa 923 ang active cases sa Negros Oriental matapos madugangan sang 105 ka bag-o nga kaso sang Covid-19 kahapon.
914 naman ang active cases sa Bacolod nga na record sang kahapon sang 57 new cases.