Sa pagdumduma sang EDSA people power revolution, nag tipon ang mga lider sa nagkalain lain nga sektor agud magpanawagan sa kay Vice President Leni Robredo nga mag papili bilang presidente sang pungsod Pilipinas sa 2022 national elections.
Ila gin lunsar ang Negros for Leni.
Ang mga taga suporta sang bise presidente ang nag upod man sa pag lunsar para sa ila man nga updan ang panawagan nga magpadalan si Robredo.
Ginpangunahan ni anay Gobernador Lito Coscoluella ang pag lunsar sang Negros for Leni upod sa mga multi sectoral group leaders.
Ginpahayag ni Coscoluella, nga si Robredo lang amo ang pinaka kwalipikado nga mag papili sa pagka presidente sa pala abuton nga eleksyon kag sila nagapati nga ang karon bise presidente ang yabi para liwat mabalik ang pag tuo sang pumuluyo sa gobyerno.