Shadow

EMB nagpatigayon na sang inspeksyon sa SCBI

San Carlos DRRMO photo

Tiglawas sang Environmental Management Bureau sang Department of Environment and Natural Resources Region 6 ang nagpatigayon sang pagpangusisa angut sa wastewater sang San Carlos Bioenergy Inc.

Kahapon nag abot ang grupo nga gina pamunuan ni Engr. Paul Wellen Osorio sa San Carlos City kag kaupod sang City Environment Management Office sila ang nag examine sang mga holding pond, mga sapa, baybayon lakip na ang wastewater gikan sa SCBI.

Ginsiling ni Osorio nga si Mayor Renato Gustilo ang naghinyo sa DENR nga mag patigayon sang pagpangusisa sa sitwasyon kag pat-uron man kun bala matuod ang mga report nga ang higko gikan sa planta ang naglab-ot na sa Tanon Strait.

Maga pa gwa sang initial assesment si Osorio base sa ila nga field inspection.

Pagahulaton man ila ang resulta sang mga water sample nga gin kuha para mahibaluan kun ano kalapad sang apektado sang water discoloration kag ini naman ang ila nga iga submit sa regional office para sa adjudication.

Duha ka adlaw nga gintugutan ni Mayor Gustilo nga maka operate ang planta para ma proseso ang cane stock sini.

Tubtob nga indi ma hatagan solusyon ang environmental issues indi pagtugutan sang alkalde ang pag balik sang operation sang SCBI.

Leave a Reply

Your email address will not be published. Required fields are marked *

Secured By miniOrangeSecured By miniOrange