Gobyerno Probinsyal nag palab-ot sang pag-unong sa pamilya sang Negrense nga caregiver nga napatay sa pungsod Israel.
Siya ang taga San Enrique kag sadto nag serbe bilang barangay treasurer.
Si Leah Mosquera ang pinaka una nga Overseas Filipino Worker nga napatay sa tunga sang konplikto sang Israel kag Iran.
Sa post sang Philippine Embassy sa Israel naka saad nga si Mosquera ang biktima sang Irananian missile attack sa City of Rehovot sadtong June 15 nga nag igo sang iya nga apartment.
Gin bulong siya sa ospital kag nag paidalom sa multiple surgeries suno sa Philippine Embassy sa Israel.
Ang iya mismo utod nga si Mae Joy nga didto man naga trabaho ang nag atipan sa iya.
Ginsiling ni Governor Eugenio Jose Lacson nga iya gina kasubo ang natabo sa 49 anyos nga si Mosquera nga nag taliwan sang Domingo, July 13.
“We extend our condolences to the family of Leah Mosquera. Very unfortunate, reports say that she really fought for her life, I guess the injury that she sustained was just too much for her”, suno kay Lacson.
Taga Barangay Guintorilan sa banwa sang San Enrique si Mosquera.
Suno kay Mayor Jilson Tubillara barangay treasurer sadto si Mosquera antes pa man ini nag trabaho sa pungsod Israel.
Madumuman ni Tubillara nga isa ka mapisan nga worker si Mosquera.
Mga 17 ka tuig man nga nag trabaho sa Israel suno kay Tubillara si Mosquera.
“Very active man na siya sang una. Hardworking man na siya. That’s why wala man siya problema with the number of years working abroad. Upod na ang iya sister. Ga obra man siya sa Israel. May pila kami ka pumuluyo nga ga obra man sa Israel. Taga dira man na nga barangay”, suno kay Tubillara.
Ang Department of Migrant Workers-Overseas Filipino Workers Administration kaupod ang Philippine Embassy sa Tel Aviv-DFA sandig sa direktiba ni Presidente Ferdinand Marcos Jr ang maga gasto sa pagpapauli sang bangkay ni Mosquera kasubong man ang pagpalubong sa iya.
Hatagan man ang iya nga pamilya sang financial assistance lakip na ang pag biyahe sang iya nga utod nga si Mae Joy sa Pilipinas.
Suno kay Governor Lacson, hatagan sang probinsya sang 190,000 pesos nga assistance ang iya nga pamilya.
Ini ang kasubong sa kantidad nga ginhatag man sa pamilya ni Loreta Alacre nga napatay sadtong October 7, 2023 sa Israel. Si Alacre ang taga Cadiz City.
May programa man ang San Enrique para sa mga OFW.
Ginakilala sang pungsod ang life of service kag legacy ni Mosquera. Gina kilala siya bilang bagahinan.
