Probinsya sang Negros Occidental ang temporaryo nga naga pauntat sang operation sang palm oil plantation sa banwa sang Candoni. Gobernador ang nagsulat naman sa pamuno sang DENR nga mag patunga angut sa issue sang operation sang amo nga kumbuyahan.
Nagsulat si Governor Eugenio Jose Lacson kay Alfred Joseph Araneta ang Chief Executive Officer sang Hacienda Asia Plantations, Inc ukon HAPI nga temporaryo naga pauntat sang earth moving activities sini sakop sang Integrated Forest Management Area ukon IFMA.
Nabaton sang HAPI ang sulat sadtong June 11.
Paathag sang gobernador apesar sang pag remind sang Multi-Partite Monitoring Team sa exit conference sadtong March 2025 nga ginpatigayon, nga dapat mag kuha sang Environmental Compliance Certificate ukon ECC ang HAPI, wala sa gihapon maka comply ini.
Ang amo nga tikang suno kay Lacson ang maga paiway sang environmental harm kag maka pasiguro nga ang mga activities sang HAAPI santo sa environmental laws and regulation.
Wala labot sini nagsulat man ang probinsya sa Environmental Management Bureau Region 6 nga naga hinyo saang Cease and Desist Order batuk sa HAPI.
Suno kay Provincial Environment Management Officer, Atty Julie Ann Bedrio ang EMB ang may authority sa pag issue sang CDO.
Dugang pa ni Bedrio may yara na sang mga notices sadto pa sang violation ang HAPI gikan sa talatapan sang EMB.
Nagsulat si Lacson kay DENR Sec Raphael Lotilla para ma resolve ang issue bangud naga panindugan ang probinsya nga dapat may ECC ang HAPI pero naga panindugan naman sila, nga sila ang exempted diri.
Ginpadangat man ni Lacson kay Lotilla ang online petition sang Negrosanon Initiatives for Climate and the Environment ukon NICE nga naga panawagan sang gilayon nga pag-untat sang environmental destruction nga gina tuga sang HAPI.
Gina abi-abi sang NICE nga isa ka local civil society group nga naga monitor sang development sa 6,000 hectare palm oil plantation sa Candoni ang tikang sang gobernador.
Nagpanawagan naman ang Chair sang NICE Wisdom Council kag San Carlos Bishop Gerardo Alminaza sa DENR nga sabton ang apela sang gobernador kag ang mga gina demand sang mga pumuluyo.