Legal na karon nga gina panag-iyahan sang probinsya sang Negros Occidental ang duta sang Mambukal Resort and Wildlife Sanctuary. Mga dugang nga improvement sa resort ginapaabot.
Sa isa ka seremonya kaina sang aga sa Social Hall sang Provincial Capitol, ginturn-over sang Department of Environment and Natural Resources Office sa pagpamuno ni PENRO
Joan Nathaniel Gerangaya ang special patent title sa probinsya sang Negros Occidental para sa mga 24 ektariyas nga duta nga gina okupar sang Mambukal.
Suno kay Negros Occidental Governor Eugenio Jose Lacsson nangin mabudlay sadto ang pagkuha sini pero karon yara na lamang sa level sang PENRO ang pag issue sini.
Ginapasalamatan man sang gobernador ang sadto anay nagsugod sang proseso para matigayon ang pagkuha sang special patent title.
Pila sa gina paabot nga mga improvement suno kay Lacson amo ang mga high end villas nga tuyo mag attract sang dugang nga turista kag boating sa lagoon.
Damlag pa tigayon na nga nagbakal ang probinsya sang duta agudto maka tigayon expand ang Mambukal.
Ginsiling man ni Lacson nga ang turnover sang special patent title nagapakita sang mga initiatives sang gobyerno probinsyal nga ma amligan ang palibot kasubong man ma promote ang sustainable tourism kag paglakip man sang community involvement.