Ang Negros Occidental nadala sa listahan sang PAGASA sa mga lugar nga may potential nga maga eksperiensya sang drought ukon pagmala sang duta sa bulan sang Pebrero tubtob Mayo sini nga tuig.
Suno sa PAGASA ang drought naga kasayuran sang tatlo ka sunod-sunod nga bulan nga below normal ang rainfall condition ukon masobra sa 60 percent ang pagnubo sang pag-ulan gikan sa average rainfall.
Sa report sang Office of the Provincial Agriculturist may pito ka mga banwa kag siudad ang nag report sang kahalitan sa dry spell.
Ini ang naga lakip sang pila ka mga barangay sa Binalbagan, Moises Padilla, Hinoba-an, Sipalay, Himamaylan, Isabela kag Cauayan.
12.8 million pesos ang na report nga danyos sa mga humayan.
Suno kay Governor Eugenio Jose Lacson, iya na nga nahatagan sang instruction si Provincial Administrator, Rayfrando Diaz nga mapangitaan sang pondo para maka hatag sang bulig sa mga apektado nga mangunguma.
May nagakaigo nga pondo ang probinsya, kag natalana ang pagsapol ni Lacson sa Office of the Provincial Agriculturist agud to ma patpat ang mga parameters ukon mangin balasehan kun sin-o ang qualified nga maka baton sang assistance.
Wala ini labot sa mahimo assistance nga mabaton sang mga farmers nga may yara sang insurance.
Indi malayo suno kay Lacson nga mahimo madugangan pa gid ang ma apektuhan nga mangunguma.