Nagdangat sa masobra 52,000 ka mga pasyente sa bilog nga probinsya ang tigayon nga naserbehan sa idalom sang Negros Occidental Comprehensive Health Program ukon NOCHP.
Suno kay Negros Occidental Governor Eugenio Jose Lacson, tuman ang pagsaka sa kadamuon sang pasyente nga na-cater sang NOCHP kun ipaangid sa 2024 nga may yara lamang sang 6,885 ka pasyente nga nalab-ot.
Sa speech sang gobernador sa 15th anniversary celebration sang NOCHP kaina, as of September 2025, 52,454 ka pasyente ang nalab-ot sang NOCHP bagay nga suno sa iya natigayon bangud sang mas masupog nga kampanya.
Sa kada LGU may yara sang NOCHP coordinator nga amo ang nagapahibalo sa publiko nga may yara sang bulig labi na para sa bulong gikan sa NOCHP.
Ginapaabot suno kay Lacson nga mas maga saka pa gid ang mga beneficiaries sang programa kag gina paabot man nga gikan sa 5,000 nga pwede ma avail mas maga daku ini.
May P74.1 million ang balor sang na avail nga bulig sang 2024 kag subong nga 2025 ini ang nagdangat na sa P78.2 million.
Sa karon sa mga pampubliko lamang nga ospital sarang magamit ang NOCHP.*