Shadow

Neg Occ may 143 ka bag-o nga mga kaso sang dengue, Bacolod may 10 new cases

Padayon ang pagsaka sang dengue cases sa Western Visayas.

426 ang bag-o nga dengue cases nga gin report sa Rehiyon 6.

Sa morbidity week 23, ukon June 5 to 11 nga semana, ang Negros Occidental naka record sang 143 new cases.

Humalin sang Enero, 1,161 ang total cases sang Negros Occidental.

521 percent ini nga mas mataas kun ipaanggid sa 2021 nga datus.

Anum naman ang napatay bangud sang dengue.

Damlag pa ginsiling na sang Provincial Health Office nga maka alarma ang pagsaka sang dengue cases sa probinsya.

Padayon ang panawagan sang matinlo nga palibot kasubong man kooperasyon sang komunidad.

Samtang, napulo naman ang new cases nga na record sang Bacolod City sa amo nga report.
Humalin Enero, 206 ang na record nga kaso sang dengue kag 137 percent ini nga mas mataas sang sa datus sang 2021.

Apat naman ang napatay.

Sa DOH nga record ang probinsya sang Antique ang may pinaka mataas nga na record nga bag-o nga kaso sang dengue karon, 149 cases.

Secured By miniOrange