Matapos nga gin panawagan sang Land Transportation Office Negros Island Region ang tag-iya sang Everest nga SUV nga imbolbado sa road rage incident sa Barangay Mansilingan, Miyerkules sang aga nagpakita na ini sa talatapan sang ahensya.
Nagpadulong ang tag-iya agud maghatag man sang iya bahin sa amo nga insidente. Sa karun wala pa sang may gin pa gwa nga detalye ang LTO may angut sa pahayag sang tag-iya.
Madumduman nga ginkondenar sang LTO-NIR ang natabo ng insidente sa tunga sang isa ka modernized jeepney nga gina block sang SUV para indi makalabay.
Ginsiling na sang LTO nga delikado ang ginhimo sang driver sang SUV, ilabi na nga may mga pasahero pa nga sakay ang modernized jeepney.
Nakarehistro ang amo nga SUV sa Luzon kag natalana nga hatagan sang ahensya sang Show Cause Order ang tag-iya sang salakyan.
[sibwp_form id=1]