Padayon nga gina kilala sang National Bureau of Investigation ang financier kag operator sang STL outlet nga ila gin-raid sang Biernes. Samtang, naka piansa na ang duha nga naga pataya nga ila gin-aresto.
60,000 pesos nga gin piansa ni Reynne Lopez kag 72,000 naman ang ginpiyansa ni Arkens Espida sang Sabado. Sila ang mga naga pataya suno sa NBI sang ginpatigayon ang operation sa ila nga outlet sa sulod sang Libertad Market sa Bacolod City.
Paathag ni NBI Bacolod Chief Atty Renoir Baldovino naga depende sa partisipasyon nila ang pag pat-od sang piyansa. Nakabaton sang intelligence report ang NBI nga may naga operate nga STL outlet nga wala sang persmiso. Indi lamang sa Bacolod sila naga operate kundi pati sagwa sang siudad suno sa NBI.
Ang natungdan nga outlet ang naga operate mga wala pa mag isa ka bulan. Suno kay Baldovino, ang Super Lucky Beagueler Inc lamang ang may authority para sa STL operation sa bilog nga probinsya.
Padayon pa gina pat-od sang NBI ang yara sa likod sang amo nga operation. Kun may opisyal man nga may kahilabtanan ini ang gina pat-od pa sang NBI. Ini ang premature pa sa karon suno kay Baldovino.
Naga paandam ang NBI sa publiko batuk sa iligal nga panahor. Yara man sa risgo ang ila nga madaog enkaso nga swertehon ang ila nga pag taya. May mga ID ang mga nagapataya para sa legal nga mga panahor.