Shadow

NBI naga lantaw sang tanan nga anggulo sa pagpatay kay Pearl Joy Galve 

Tanan nga anggulo ang hatagan sang konsiderasyon sang National Bureau of Investigation angut sa pagpangusisa sa kamatayon sang 15 anyos nga dalagita nga nasapwan na lamang sa katubuhan sa La Carlota City. 

Suno kay NBI Bacolod Head, Manuel Fayre, naka pakig-angut na sila sa pamilya sang 15 anyos nga si Pearl Joy Galve kag sila ang cooperative sa amo nga pagpangusisa.

Sa tunga sang naga gwa man nga report nga gina molestiya sang partner sang iya nga iloy ang biktima ini nga anggulo ang lantawon man sang NBI suno kay Fayre.

Indi na luyag pa sang NBI nga mag patpat sang ila progress sa kaso labi na nga nagasugod pa man lang sila sa ila nga imbestigasyon.

Ginsiling na ni Fayre nga priority nila ang kaso ni Pearl Joy.

Ang biktima ang na missing sadtong July 29 kag nasapwan na lamang nga patay sang Miyerkules.  

“All possible motives for that matter will be entertained. We do not set aside information given to us”, suno kay Fayre. 

Samtang, nag pa gwa naman sang pahayag ang Chief of Police sang La Carlota PNP nga si  Lt Col Lymel John Pasquin.

Ini sa tunga sang naga lapta nga balita na may yara sang naga libot nga van sa siudad nga naga pang kidnap kag may mga nagakadula nga persona sa siudad.

Suno sa kay Pasquin wala ini sang kamatuoran kag ang kaso ni Pearl Joy ang isa ka malaka nga kaso. 

Secured By miniOrangeSecured By miniOrange