Shadow

National ID registration ginsuguran na San Carlos City

San Carlos LGU photo

Registration para sa National ID ang ginsugdan na sa San Carlos City.

Ang City Planning and Development Office sang lokal nga panguluhan ang naga facilitate sang registration nga gin sugdan sini nga semana.

Suno kay Clark Anthony Bagacay, isa sa mga supervisor sang san carlos city registration center may tatlo ka tikang sa pagkuha sang national ID kag ini ang nagalakip sang pre-registration, ang pagkuha sang biometric data kun sa diin upod na diri ang iris scan kag pagkuha sang litrato para sa data update kag ang pag release na mismo sang national ID.

Dugang pa niya, indi magnubo sa 765 ka mga applicant dala na ang mga walk-in ang sarang nila nga ma cater. Pero ang mga naka pa pre-register ang hatagan sang prayoridad.

Kinahanglan nga mag dala ang mga natungdan sang valid ID sa registration.

Ang Philippine ID system sang Philippine Statistics Authority, ang naga tuyo nga maka angkon sang isa ka id para sa tagsa ka pumuluyo sang pungsod lakip na resident alien para sa mas mangin mahapos ang accessibility kasubong man application for eligibility sa mga social welfare programs kag benepisyo sang gobyerno.

Leave a Reply

Your email address will not be published. Required fields are marked *

Secured By miniOrangeSecured By miniOrange