Shadow

41 na ang biktima sang pagpaniro sang riding-in-tandem sa Negros Occidental humalin sang Enero

Base sa datos sang Negros Occidental Police Provincial Office, as of March 15, nag lab-ot na sa 41 ang shooting incidents sa probinsya nga himo sang mga suspek nga sakay sa motorsiklo humalin sang Enero 1.

Wala pa diri maintra ang pinaka ulihi nga kaso sa Bago City kun sa diin gin tiro sa sulod sang iya salakayan ang isa ka negosyante nga ginapatihan motorcycle riding suspek man ang may kahimuan.

Sa 41 nga kaso, 14 pa lang sa diri ang na solbar, tatlo ang cleared cases kag ang 24 ang padayon pa tubtob sa karon ang imbestigasyon.

Suno kay Police Lieutenant Abegael Donasco, spokesperson sang NOCPPO, yara pa man lang sa average ang kaso sang shooting incidents pero indi na nila luyag pa nga mag lab-ot sa alarming ang kadamuon sini gani sila karon ang nag pangita na sang paagi para malikawan ang pag luntad pa sang mga pag paniro sang mga suspek nga sakay sa motor.

Si Donasco nag dugang nga ila na gin talakay ang paga himuon nga mga tikang kaangay nalang sang pag butang sang dugang nga mga checkpoint operations kag ang butang sang mga patrollers ilabi na sa mga lugar kun sa diin masami nagaluntad ang nasambit nga krimen.

Leave a Reply

Your email address will not be published. Required fields are marked *

Secured By miniOrangeSecured By miniOrange