Sapa sa Barangay Banago plano nga buhion sang Bacolod LGU agud masolusyunan ang pagbaha sa lugar.
Nagpatuman sang inspection ang katapo sang City Engineer’s Office kag DPWH- Bacolod sa ginaplano nga housing project site sa Purok Sibucao sa Barangay Banago.
Kasunod ini sang pagbaha sa malapit nga mga pamalay tuga sang mabunok nga ulan sang nagligad nga semana.
Ginsiling ni City Engineer’s Office OIC Engr Loben Ceballos, nanubuan ang lugar nga malapit sa anay Pequeno Creek amo nga malawig magtahaw ang baha.
Dugang pa nga nagapatuman sang land development ang kumpanya ni Councilor Vladimir Gonzalez nga developer sang ginaplano nga housing village.
Kabahin sa ginaduso sang City Engineer’s Office kag DPWH amo ang pagbuhi sang sapa nga natabunan na sang duta kag natukuran sang mga pamalay.
Ginapaabot ni Ceballos nga matagaan solusyon ang pag-relocate sang mga maapektuhan nga pamilya nga nagapuyo sa nasambit nga flood prone area.