Pasado las 8 sang Biyernes sang gab-i sang nagluntad ang sunog sa Endrina, Barangay 5 sa San Carlos City.
Yara sa 85 ang totally destroyed kag duha ang partially damaged nga mga balay.
Ginbudlayan ang mga bombero sa pagsulod sa area bangud ikit-ikit ang mga balay kag indi makasulod ang firetruck.
Himo pa sa mga bagay nga madasig masunog ang mga pamalay.
Suno kay Joe Recalex Alingasa, ang DRRMO head sang San Carlos, sa opisyal nga report sang Bureau of Fire Protection, napabay-an nga nasindihan nga sigarilyo ang ginhalinan sang sunog nga nagtupok sa 87 ka mga pamalay sa Endrina.
Ang mga nasunugan ang yara karon naga tinir sa Barangay 4 nga Covered Court.
Kinahanglan nga mag-convene ang Barangay DRRMO agudto tigayon ma assess kag maka deklara sang state of calamity ang barangay para tigayon man magamit ang calamity fund sang barangay suno kay Alingasa.