Balik pulitika si anay Congressman Julio Jules Ledesma sa First District sang Negros Occidental.
Ini ang gin anunsyo man ni Negros Occidental Governor Eugenio Jose Lacson nga katapo sang Love Negros sa general assembly sang United Negros Alliance.
Isa lamang ka term si Ledesma suno kay Lacson.
Maga hatag ligwa si Congressman Gerardo Valmayor kay Ledesma nga suno kay Lacson lubos man nga naga suporta sa anay kongresista.
Wala sang position nga gin tanyag kay Valmayor.
Ginsiling man ni Lacson, nga ang Love Negros nagdesisyon sa First District nga ang ila nga suportado nga mangin board member amo si Mayor Marxlen dela Cruz nga katapo sang United Negros Alliance nga yara na sa iya nga third and last term.
Maga pa re-elect si First District Board Member Araceli Somosa. Si First District Board Member Romel Debulgado naman ang maga papili konsehal sa San Carlos City.
Gina abi-abi naman ini ni Dela Cruz nga nag siling nga ang iya nga manghod nga si vice Mayor Nehemiah Joe Dela Cruz ang maga papili mayor sang Salvador Benedicto.
Sa pihak nga bahin, si Bago City Mayor Nicholas Yulo nga yara sa iya third ang last term, ang maga papili board member sang fourth district, upod sila ni Paula Alonso Vaderrama nga anak ni Board Member Jose Benito Alonso nga maga papili naman bise gobernador.
Si Board Member Andrew Martin Torres naman ang maga papili Vice Mayor sang Bago, kun sa diin ang iya amay nga si Vice Mayor Ramon Torres ang maga papili bilang alkalde naman.