Nangin regular nga cease and desist order na ang napapanaog sa BISCOM may kaangtanan sa pag discharge ukon pag overflow sadto sang molasses sini sa Binalbagan River sang Abril.
Ginsiling ni Atty Wilma Lagance ang Chief Legal sang Environmental Management Bureau VI, gin-affirm sang April 25, sang Pollution Adjudication Board, ang sadto interim CDO nga ginpapanaog sang ila nga talatapan sa BISCOM gani karon nangin regular CDO na ini.
Sa amo nga CDO gin manduan ang BISCOM nga wala sila ginatugutan nga mag discharge sang tubig ukon molasses sa ano man na water bodies.
Nag commit man ang BISCOM suno kay Lagance sa direktiba nga ginpapanaog sa ila sang EMB nga naga lakip sang pagpatuman sang clean-up sa perimeter canal kag mga apektado nga area sa Binalbagan River.
Ang amo nga commitment ang tubtob sa Mayo 2 kag natalana pa magpatuman sang validation ang monitoring division sang EMB para mapat-od kun na comply ini sang BISCOM.
Suno kay Lagance, nakasaad sa CDO nga wala sang motion for temporary lifting order ukon TLO tubtob nga ang respondent maka tigayon comply sa requirements para sa isa ka TLO sandig sa PAB resolution.
Wala na sang jurisdition ang EMB sa amo nga case kag ang PAB naman ang maga papanaog sang desisyon angut sa amo nga pagsupak.
Abril 19 sang gin-report nag awas ang molasses gikan sa Pond 2A/2B nga nag-apekto sa Binalbagan River.
”Naging regular CDO na siya. Which means up until now ara gihapon ang CDO. Sa CDO nila they are not allowed to discharge any water or molasses into any water bodies. Diri kami sa regional office cannot touch anymore on the case since it is already within in the jurisdiction of the Pollution Adjudication Board but as to the monitoring of the regional office after our technical working conference last April 25 also, BISCOM committed to abate the pollution”, suno kay Lagance.