Naglab-ot sa P2.8 million ang nabenta sang mga organic farmers nga nag pakigbahin sa lima ka adlaw nga Negros Island Organic Farmers Festival.
Suno kay Provincial Administrator Rayfrando Diaz, pinaka taas nga sales ang na-record sa last day – P789,591.
Nangin higayon para sa mga mangunguma, fisherfolks kag indigenous peoples nga mga exhibitor ang Organic Festival bangud sila ang nabuligan sa ila nga mga produkto sa tunga man sang pag panghangkat dala sang bagyo.
Mga organizer sang Terra Madre Asia and Pacific food festival nga gin pahamtang naman sa North Capitol Road ang wala sang estimate sa lima ka adlaw nila nga sales as of press time.
Mga 47,500 ang crowd estimate sang pulis sa mga nagbisita sa Terra Madre booths humalin sang nagbukas ini sang Miyerkules tubtob sang Domingo suno kay Reena Gamboa ang executive director sang Terra Madre Asia and Pacific 2025.*