Tatlo ka mga commercial establishments sa Bacolod nasunog. Halit sang kalayo nagdangat sa masobra P8M.
Sa video nga kuha ni Clifford Nolido makita ang pag ginuwa sang mga empleyado sang pasalubong center sang nasiplatan ang madamol nga aso gikan sa second floor sang Guanzon Brothers Building sa Gatuslao St, Barangay 13 sa siudad sang Bacolod sang Domingo sang aga. Madasig nga nagpoog ang aso ang lugar nga ginka-alarma sang mga motorista kag mga customer sang mga kaiping nga baligyaan.
Gilayon nga nagrespondi ang mga bombero. Pero tatlo ka mga commercial establishment ang nalab-ot sang kalayo sa nagluntad nga sunog.
Suno kay Fire Superitendent Jenny Mae Masip, City Fire Marshall sang Bureau of Fire Protection-Bacolod, partially damaged ang Merzci Bread and Pastries, FNE Fashion Shop kag Zoliv Novelty Shop sa nagluntad nga sunog.
Nagdangat sa 8 milyones pesos ang balor sang kahalitan sang sunog. Gina-usisa pa sang BFP ang ginhalinan sang kalayo.