Sa Good Vibes, kun sang Sabado nagbaha ang tahong sa baybayon sang Valladolid bangud sang bagyo, sa Andulauan sa Ilog naman, bangrus ang nag dagsa pagkatapos sang pagbaha.
Sa post ni Chester Keith Cabreros nga nataga Andulauan, indi na bag-o sa ila ang pag dagsa sa mga bangrus kay man sa kada pag baha ini ang isa sa ila nga gina hulat.
Makit-an sa video nga mansig pangsikop sang bangrus ang mga pumuluyo. Ang iban may dala nga mga labador kag palareho man nga naga enjoy.
Suno kay Keith ang iban tunga gani sa sako ang makuha. May mga naga konsumo ang makuha nga mga bangrus ang iban naman gina baligya. 20 pesos suno sa iya ang bilog sang gin pakas ang iban 60 pesos ang baligya sang kilo sang lab-as.
Madamo nag kuha suno kay Keith bangud sang pag-awas sang mga punong sa lugar.