Sumugod sa Pebrero 15, Martes tubtob Sabado na ang pagbukas sang talatapan sang Commission on Elections.
Suno kay Bacolod elections officer Atty. Kathrina Trinio Cana ini base man sa abiso man COMELEC Manila nga ipatuman sa tanan nga COMELEC offices.
Las 8 sang aga tubtob las cinco sang hapon bukas ang talatapan sang COMELEC.
Nagakasayuran nga serado ang COMELEC Lunes nga adlaw. Ini ang gintalana suno kay Trinio Cana nga disinfection day.
Samtang amat amat naman ang pag damo sang mga naga pa rehistro sa COMELEC Bacolod humalin sang nagligad nga semana. naga dangat ini sa 100 kada adlaw ang walk in.
May mga naga avail man sang online appointment pero sa gihapon diutay lamang ang naga padulong sa talatapan base sa ila sini nga mga appointment.
Padayon ang kampanya sang COMELEC nga mag pa rehistro sa mga wala pa naka pa rehistro ilakip na sa mga napanas sa listahan sang 2019 bangud nga wala makaboto sa duha ka sunod sunod nga election.