Mag-amay patay matapos nga makuryente. Patay ang mag-amay nga sanday Salvador Inayan Jr., 56-anyos kag ang iya anak nga si Salvador Inayan, III, matapos nga makuryente sa Purok 6, Brgy. Nabalian Himamaylan City sang Sabado.
Suno kay Police Lt. Col. Anthony Grande ang hepe sang Himamaylan City PNP, may saksi nga naka kita nga nahamyang sa dalan ang lawas sang anak nga biktima kag gilayon man nga gintawag sang mga pumuluyo ang iya amay.
Pero suno sa pulis gulpi lang nagpalapit ang amay sa iya nga bata kag nasalapay ang nagasagnoy nga live wire kag nakuryente. Ginhingagaw pa dala sa ospital ang mag-amay apang gindeklarar nga dead on arrival.
Nagwa sa imbestigasyon sang PNP nga nasalapay sang bata ang live wire samtang ini ang nagapanag-ob nga nagresulta sa pagkakuryente niya kag sa dalayon sang iya man nga amay.