Bangkay sang lalaki nga ginapatihan gin-torture nasapwan nga nasulod sa sako nga naga-utaw-utaw sa baybay sa reclamation area sa Bacolod City.
Nakagapos pa ang duha ka mga kamot kag may pamug-at nga bato nga nakahigot sa mga tiil sang wala pa makilal-an nga lalaki sang makuha sang katapo sang Philippine Coast Guard sa baybay nga nasakpan sang Barangay 2 sa reclamation area sang Bacolod kagab-i.
Ang biktima ang may mga pilas sa dughan tuga sang ginapatihan igo sang bala sang wala mapat-ud nga calibre sang pusil.
Ginsiling ni Police station 2 commander Police Major Eugene Tolentino nga may marka sang nozzle sang pusil nga nakita sa likod nga abaga sang biktima nga lapos sa iya nawala nga dughan.
May mga pilas man ini sa ilok kag wala na sang mga dalunggan ang biktima nga ginapatihan gin-torture antes ginpatay.
Ginabulubanta naga-edad 35 anyos tubtob 45 anyos ang lalaki nga may kaatason nga 5 feet and four inches.
Ang iya nga bangkay ang temporary nga yara sa ABE funeral homes.