Wala pa matapos ang suspension batuk kay Barangay 16 Punong Barangay Joseph De los Santos pero liwat siya karon ngaginpasakaan sang panibag-o nga reklamo sa konseho.
Sa Hunyo 7 pa magatapos ang suspension order ni Punong Barangay Joseph De los Santos may angut sa kaso nga grave abuse of authority, grave misconduct, serious dishonesty and conduct prejudicial to the best interest of the service.
Ini may angut sa delay kag wala napalab-ot nga sweldo sang mgabarangay officials kag pati na barangay workers.
Pero karonliwat nga ginpasakaan sang administrative case ang punong barangay bangud sang kapaslawan nga makatambong sa regular session sang barangay.
Suno kay Councilor Al Victor Espino, pamuno sang Committee on Laws and Ordinances, mismo ang katapo sang barangay council ang nagpasaka sang reklamobatuk kay De los Santos makaligad sang iya unauthorized nga 5-consecutive absences sa session sang barangay.
Ginhinyo man sang mga tag-reklamo nga mapaidalom liwat sa preventive suspension ang suspended punong barangay.