Murder kag frustrated murder charges ang na file via inquest proceedings sang pulis sa Silay Prosecutor’s Office batuk sa punong barangay kag tatlo ka john doe angut sa pagpaniro nga nagluntad sa adlaw sang eleksyon sa Silay City.
Suno kay Provincial PNP Director kag pamuno man sang Special Investigation Task Group Silay, Col Rainerio de Chavez, naga pabilin sa custody sang Criminal Investigation and Detection Group si Kapitan Arnie Benedicto sang Brgy Lantad, Silay, nga amo ang gina tudlo sang saksi, nga suspek sa pagpaniro. Duha ang napatay kag pito ang nasamaran sang matabo ang shooting incident sa atubang sang ginasiling headquarters sang Team Asenso – Silay sa McKinley Street sa Brgy Mambulac sa Silay City sa adlaw mismo sang eleksyon. Ginsiling ni Mayor Joedith Gallego nga ang siyam ang iya nga mga volunteers kag naga bantay sa lugar angut sa gin-report vote buying. Suno sa PNP nagapangape ang siyam sagwa sang headquarters sang sila ang gin paniro.
Ginsiling ni Atty Jose Edward Davila ang abogado sang Team Asenso nga boluntaryo nagsungka sa PNP mismo sang hapon sang natabo ang shooting incident si Benedicto kag iya ginhimutig nga siya ang may kahilabtanan sa pag paniro.
Ginsiling ni de Chavez nga bisan pa natabo ang shooting incident wala ini maka apekto sa eleksyon. Padayon pa ang ila nga pag pangusisa sa kaso lakip na ang assessment kun makabig ini nga election related incident.
Samtang, wala tigayon nakakuha sang search warrant para sa amo nga headquarters ang PNP.
“He’s being detained dito sa CIDG. His case will be filed today because yesterday na submit na natin sa prosecutor and in-evaluate na nila under the Department Circular 20, and ngayong araw naka schedule for inquest proceeding.
Murder at tsaka yung frustrated murders”, suno kay de Chavez.