15 anyos nga solterito gin-alegar gintampa sang vice mayor sang banwa sang Murcia.
Gin-reklamo nga opisyal nag himutig sang alegasyon kag nagsiling pulitika ang sa likod sini.
Nobyembre 2 suno sa 15 anyos sang sila ang ginpatawag ni Vice Mayor Johnny Reosura sa balay sang utod sini malapit sa Bacolod Golf and Country Club sa pag dumdom nga sila ang iga settle.
Ini bangud na engkwentro kag nag tapungulay ang kinse anyos upod ang iya nga pakaisa kontra sa hinablos sang bise alkalde damlag pa. Wala gin paabot sang kinse anyos nga tampaon siya ni Reosura.
“Nag-away kami sang hinablos, sa may Golf and Country Club. Ginbalik ko ang bichukorno sa balay, ginkuha ko to. Pag hatag ko sa iya, ginrekta ya ko tampa”, suno sa tagreklamo. Pero, suno sa bise alkalde, iya lamang ginkaptan ang baba sang 15 anyos. “(Is it true vice nga gin tampa mo gid man?) It’s not true ginkaptan ko lang siya sa baba”, suno kay Reosura.
Nag-settle na kuntani ang mga partido suno sa bise alkalde.
“Actually na settle na na di. Ang parents sang baa na nga ginsumbag nila, is trying to settle also kay te mga kabataan. Ini nga issue gina sakyan lang ni sang isa ka pulitiko who’s trying to break our reputation in our municipality. Ang tiya I think ginpatawag na di sang pulitiko kag gin instructionan kun ano ang himuon, that’s why nag dako na ni ang issue”, suno kay Reosura.
Nagpadulong sa Provincial Capitol ang 15 anyos kag tiya sini.
Suno kay Board Member Andrew Montelibano naghinyo sang iya nga bulig ang natungdan kag bilang opisyal man iya ini nga aksyonan. “Ako ya as a board member of this province, panindugan ko ni ang bata. I don’t care what it takes. Bahala na maghambal sila nga ara sa likod gabulig, but I will. Ako gid”, suno kay Montelibano.
Nag report na sa Women and Children’s Protection Desk ang 15 anyos kag sa iya nga medico legal result nakabutang nga may yara sang swelling sa natuo nga bahin sang iya nga guya.
Kun pasakaan man siya sang reklamo suno kay Reosura atubangon niya ini.