Masskara Dancers sang Barangay Granada ginpasundayag ang ila winning performance sa mga nagbisita nga local officials sang Andong, South Korea.
Liwat nga ginpakita sang Barangay Granada Masskara Dancers ang ginapabugal nga winning performance sa mga local officials sang Andong City,South Korea nga nagbisita sa Bacolod.
Suno kay Councilor Em Ang, napaslawan nga makabisita ang mga opisyales sang Andong bangud fully-booked na ang mga hotel sa pagsaulog sang MassKara Festival.
Gani gintinguhaan sang siudad nga makapasundayag ang Barangay Granada MassKara dancers nga amo ang napili kampeon sang tuigan nga competition.
Labi naman nga nalipay ang nagbisita nga delegasyon sang sister-city sang Bacolod sa South Korea.
Sa Pebrero natalana man nga maga perform ang mga MassKara dancers sa Taiwan antes ang pagbyahe sa Andong City para magpasakop sa tuigan sini nga festival sa Setyembre.