Motorcycle rider patay matapos mabunggo sa bato. Wala nakaluwas si Juan Lansangan, Jr., nga nagadala sang motorsiklo Domingo sang udto sa Barangay Dulao sa Bago City.
Suno sa kay Police Staff Sergeant Ronald Javier ang traffic Investigator sang Bago City PNP, padulong kuntani ang biktima sa iya nga abyan nga nagub-an sang motor apang paglab-ot niya sa nagakurbada nga dalan, nawad-an siya sang control sa iya motor. Nabunggo siya sa dako nga bato sa higad sang dalan kag nahulog sa kalog.
Dugang pa ni Javier, ginhingagaw pa dala ang biktima sa ospital apang ginbawian sang kabuhi.
Natunga pa ang motor sang biktima nga posible bangud sang impact sang malampos ini sa semento sa kalog.
Paandam sang PNP, indi pagkalipatan magsuksok sang safety gears kun naga motor ilabi na ang helmet.