Matapos gin bulong sa ospital, rekta sa detention cell sang Police Station 1 ang 23 anyos nga si Romulo Mansaser matapos makuhaan sang iligal nga droga kag armas ang iya motorsiklo nga imbolbado sa aksidente.
Suno kay Major Elmer Bonilla, hepe sang Police Station 1, nabungguan sang motorsiklo ni Mansaser ang isa man ka motor sa dalan San Juan-Burgo sa Bacolod.
Gindala siya ospital bangud sang pilas kag ang iya motor ang ginrekta sa police station.
Sang gin usisa ang motor para mag check sang iya OR/CR, didto kag nakita ang tatlo ka sachet sang shabu kag isa ka 38 revolver kag mga bala.
Gin ako man ni Mansaser nga iya ini. Kaso nga pag lapas sa RA 9165 kag RA 10591 ang ipasaka batuk sa iya.