Patay ang motorcyle rider nga taga Hacienda Carmen, Brgy. Granada sang Bacolod City matapos gin-alegar nga na hit-and -run sang isa ka awto sa crossing sang Bacolod City Negros Occidental Economic Highway sa bahin sang Brgy. Granada sa Bacolod sang Domingo sang kaagahon.
Suno sa kay Police Lieutenant Colonel Ramel Sarona ang pamuno sang Traffic Enforcement Unit , sakay sa iya motorsiklo ang biktima nga si Abcil Castillo, halin sa Bangga Bagul kag pasaka sa Brgy. Granada.
Ang awto naman ang gikan sa Brgy. Granada paliko pa Talisay.
Sa imbestigasyon ang PNP, paglab-ot sa lugar sang insidente nabungguan sang awto ang motor gani naglabog sa higad sang dalan ang drayber kag napatay.
Ang driver sang awto ang gilayon nga nag palagyo pero may mga tawo sa lugar rason nga nakuhaan sang litrato ang plate number sang black nga vios antes ini magpalagyo.
May parte pa sang iya nga bumper nga nahulog sa dalan.
Nakig angut na ang TEU sa LTO kag gina pangita na subong ang driver nga nag palagyo sa iya responsibilidad.
Ang napatay nga biktima ang may apat ka mga kabataan.