Base sa certification gikan sa Development Bank of the Philippines, nagalab-ot sa P1.9B pa lang ang na-release sang banko gikan sa kabilugan nga P4.1B nga gin-loan sang Bacolod.
Ginsiling ni Mayor Albee Benitez nga taliw-as ini sa mga alegasyon nga naubos na gamit sang siudad ang loan para sa pagtukod sang Legislative Building, Old City Hall rehabilitation project kag iban pa nga infrastructure projects.
Gindugang niya ang pag-download sang pondo, ang nabase sa status sang proyekto nga napondohan paagi sa loan agreement.
Iya man ginkumparar ang negotiated 3.55 percent interest rate sang loan sa 6.75 percent interest rate sa P1.7B nga loan sang nagligad nga administrasyon.
Bisan gani ang tinalikdan nga loan agreement ang may nabilin pa nga P300M nga pondo nga inug-release para sa nagapadayon nga construction sang Bacolod Coliseum.