Patay ang 39-anyos nga drayber, matapos mahulog sa kanal ang iya motorsiklo nga ginamaneho sa National Highway sang Purok Kasantolan, Brgy. Mailum sa Bago City, Domingo sang kaagahon.
Suno sa kay Police Corporal Kim Cornel ang traffic investigator sang Bago City PNP, gikan sa Brgy. Ma-ao padulong sa Brgy. Mailum ang drayber nga si si Richard Pamisaran, apang gina-alegar nadulaan sang control ang biktima sa iya nga motor kag gilayon nga nahulog sa kanal.
Dugang pa ni Cornel, bangud sa mabaskog ang pagkabunggo sini nagtabog ang helmet nga suksuk sang biktima kag nalampos ang iya nga ulo.
Ginhingagaw pa dala sa ospital si Pamisaran apang ini ang gindeklarar nga dead on arrival sang doctor, nagagwa man sa imbestigasyon sang kapulisan nga self inflicted ukon wala sang may iban nga pangontra ang biktima aang natabo nga insidete.