Shadow

Most wanted sa Negros gina alegar gin abduct kag natiruhan sang nagtinghua magpalagyo

Kabankalan PNP photo

Ginabulong karon sa ospital ang 37 anyos nga si Jimmy Fermo matapos ini matiruhan sang mag palagyo gikan sa mga gina alegar nag abduct sa iya sa siyudad sang Kabankalan sang Dominggo.

Suno kay Lt. Dennis Melgarejo, deputy sang Kabankalan PNP, si Fermo ang nagakatulog lang sa balay sang iya abyan sa Barangay Tampalon sang mag abot ang apat ka mga persona las 3 sang kaagahon kag gina alegar gin posasan ini kag gin kastigo.

Nagtinghua kun tani ini nga mag palagyo gani gintiro siya sa paa. Gin pasakay siya sa multicab suno sa pulis kag gin bilin sa diversion road sa Barangay Talubangi mga las 6 na sang aga.

Siya ang gindala man gilayon sa ospital. Natukiban nga si Fermo ang top 5 most wanted sa Kabankalan kag top 7 naman sa probinsya. Gani gin serbe man sang kapulisan ang warrant of arrest batuk kay iya. Ginahibalo pa karon sang PNP kun ano ang motibo sa pag abduct sa iya.

Secured By miniOrangeSecured By miniOrange