Nagpirma ang Bacolod City LGU kag Department of Science and Technology sang Memorandum of Agreement (MOA) para sa pagpahamtang sa siudad sang community-based flood early warning system.
Kabahin sini ang pagbutang sang pito ka monitoring devices sa mga major nga suba kag siyam ka rain gauges sa nagkalain-lain nga parte sang siudad para maghatag sang real-time kag localized data parte sa ulan kag lebel sang tubig.
Ang proyekto magabulig sa mas madasig nga pagresponde sa mga pagbaha, isa ka daku nga tikang para sa disaster preparedness sang Bacolod.
Nagpasalamat si Mayor Greg Gasataya sa kay DOST Secretary Renato Solidum kag PAGASA sa ila bulig kag pagbinuligay sa pagpatuman sang proyekto.
Pinaagi sini nga sistema, ang Bacolod City subong may yara na sang mga instrumento nga magabulig sa paghimo sang desisyon base sa siyensya.*