Nasapwan nga wala na sang kabuhi ang 56-anyos nga bana matapos maanod sang mabaskog nga bulyada sang tubig sa suba sa Sitio Pangi, Barangay Carabalan sa Himamaylan City, Miyerkules sang hapon.
Papauli na sa ila balay halin sa merkado ang mag-asawa nga sanday “Tito”, kag “Lalin”, sang Brgy. Carabalan, sang sila ang nagtabok sa suba.
Ugaling nadanlog si “Lalin” sa semento nga dalan nga nabasa tuga sang wala untat nga pag-ulan.
Sa pagtinghua nga buligan ang iya asawa, nadala hulog sa suba si alyas “Tito”.
Nakauyat si “Lalin” sa balagon kag nakaluwas apang si “Tito” ang naanod.
Las otso na sang gab-i sang nakit-an ang biktima mga 800 metros ang kalayuon sa lugar kung diin sila ang nahulog.
[sibwp_form id=1]