Patay ang mag amay nga Lucio kag Antonio Perater matapos sila nga gin pangluthang sang mga miyembro sang New Peoples Army sa ila sini balay sa Vallehermoso sang Miyerkules.
Sa initial report sang 3rd Infantry Division, ang grupo sang mga rebelde ang nag padulong sa balay ni Punong Barangay Beatriz Perater para mag pangilkil kag ila man gin pahog ang pamilya.
Wala gin hatag sang pamilya ang gina pangayo sang NPA suno sa army amo nga ila ini gin luthang ang mag amay sang punong barangay.
Ang NPA ang nag ako man sa pag patay sa mag amay kag ila gina alegar nga asset sang AFP ang pamilya kag kuno nag palupok sang pusil sanday lucio kag antonio gani nagbalos lang sila.
Suno sa army indi mga asset ang ginpamatay kag ginhimo lang nga rason sang mga rebelde. Gin pakamalaot naman sang lokal nga panguluhan sang Vallehermoso ang pag patay sa mag amay sang punong barangay.