Shadow

Kaso sang Covid-19 sa Negros Occidental naga panubo na

Siyam na ka sunod-sunod nga adlaw nga 2-digit na lamang ang naga ka record nga new cases sa Negros Occidental.

22 ang new cases sa February 17 nga report sang Provincial Incident Management Team.

Suno kay Provincial Administrator Rayfrando Diaz, wala naman sang may naga tenir sa mga quarantine facilities sang probinsya. Ang occupancy rate sang Covid designated hospital sa Cadiz City yara na lang sa 40 percent.

Gina lantaw nga yara na sa down trend ang covid cases sa probinsya suno sa iya. Naga pati si Diaz nga ang bakuna daku ang nabulig sa Covid situation sang probinsya.

Mahimo man nga may mga nag positibo sa Covid pero wala na na record kay wala nag paidalom sa RT-PCR test, ukon nag antigen test kag nag isolate na lamang.

Sa karon, mas madasig nga nalampuwasan sang mga na-igo sang Covid ang virus.

Amat-amat naman ang pag transitions ang probinsya sa normal. Una nga ginbalik ang pag gamit sang biometrics para sa time-in kag out. Mahimo suno kay Diaz nga sa marso maga balik naman ang 5-day work week sang mga empleyado.

Secured By miniOrangeSecured By miniOrange